ຍີ່ປຸ່ນ ແລະ ສິງກະໂປ ຊຸກຍູ້ໃຫ້ລາວກາຍເປັນຕະຫລາດການທ່ອງທ່ຽວ

ສປປ ລາວ ມີຊາຍແດນຕິດຈອດກັບປະເທດເພື່ອນບ້ານ ສະນັ້ນຈິ່ງເປັນທາງຜ່ານດ້ານເສດຖະກິດ, ອຸດສາຫະກຳ, ກະສິກຳແລະອື່ນໆທັງມີລາຍຮັບຈາກການລົງທຶນຂອຕ່າງປະເທດ ທີ່ເປັນຕົວຂັບເຄື່ອນເສດຖະກິດໃຫ້ກ້າວຂຶ້ນເລື້ອຍໆຫນຶ່ງໃນນັ້ນອຸດສາຫະກຳການທ່ອງທ່ຽວທີ່ກຳລັງມາແຮງໃນປະຈຸບັນລາວເຮົາກໍ່ເປັນປາຍທາງຕະຫລາດນັກທ່ອງທ່ຽວຂອງຕ່າງປະ ເທດເຊັ່ນກັນ.

ເຊິ່ງສັງເກດເຫັນໄດ້ໃນກອງປະຊຸມຜ່ານບົດລາຍງານການຝຶກອົບຮົບທີ່ປະເທດສິງກະໂປໂດຍພາຍໃຕ້ການອຸປະຖຳຂອງໂຄງການຮ່ວມມືກັບຍີ່ປຸ່ນ, ສິງກະໂປສຳລັບສະຕະວັດທີ 21. ກ່ຽວກັບການຝຶກອົບຮົມຫລັກສູດການທ່ອງທ່ຽວທີ່ໄດ້ຈັດຂຶ້ນໃນວັນທີ 31 ຕຸລາ-ວັນທີ4 ພະຈິກຜ່ານມາທີ່ປະເທດສິງກະໂປ. ຝ່າຍລາວນຳໂດຍ ທ່ານ ສຸກກະເສີມ ໂພທິສານ ປະທານ ອົງການທ່ອງທ່ຽວແຫ່ງຊາດພ້ອມເຈົ້າຫນ້າທີ່ຂັ້ນສູງຂອງລາວເຂົ້າຮ່ວມ, ຫລັກສູດດັ່ງກ່າວນີ້ມີຈຸດປະສົງມຸ້ງເນັ້ນໃນການສົ່ງເສີມການທ່ອງທ່ຽວໃນອາຊີສຳລັບການທ່ອງທ່ຽວຂອງລາວ ໄດ້ກຳນົດເອງຢ່າງເປັນທາງການໂດຍໃຊ້ບົດຮຽນແລະປະສົບການຂອງສິງກະໂປໃນການສ້າງອຸດສາຫະກຳ, ຕະຫລາດການທ່ອງທ່ຽວໃຫ້ປະສົບຜົນສຳເລັດດ້ວຍການນຳໃຊ້ວັດສະ ດຸທີ່ທັນສະໄຫມ, ມີປະສິດທິພາບໃນການສົ່ງເສີມຕະຫລາດການທ່ອງທ່ຽວເຊັ່ນ: ໂບຊົວ, ປົດສະເຕີ, ເວັບໄຊຕ່າງໆ ແລະ ລວມເຖິງການບໍລິການດ້ານຂໍ້ມູນຂ່າວສານຕ່າງໆທີ່ສະດວກ ແລະວ່ອງໄວ.

ອັນສ້າງຄວາມປະທັບໃຈໃຫ້ແກ່ນັກທ່ອງທ່ຽວຕ່າງປະເທດທີ່ເດີນທາງໃນເຂດອາຊີແລະທະວີບເອີຣົບເຂົ້າມາທ່ຽວສປປລາວໃຫ້ນັບມື້ຫລາຍຂຶ້ນເຊິ່ງທັງສອງປະເທດຍີ່ປຸ່ນ ແລະ ສິງ ກະໂປຈະຊຸກຍູ້ໃຫ້ລາວກາຍເປັນຕະຫລາດນັກທ່ອງທ່ຽວຂອງນັກທ່ອງທ່ຽວຕ່າງປະເທດທັງເປັນການສ້າງລາຍຮັບຈາກວຽກງານດັ່ງກ່າວໃຫ້ຫລາຍຂຶ້ນດ້ວຍທ່າແຮງບົ່ມຊ້ອນໂດຍສະ ເພາະກໍ່ແມ່ນພູມສັນຖານພູມີປະເທດທີ່ອຳນວຍຄວາມສະດວກໃຫ້ແກ່ດ້ານການທ່ອງທ່ຽວຂອງລາວ, ປຸກລະດົມຂົນຂວາຍໃຫ້ຊາວຕ່າງຊາດເຂົ້າມາທ່ຽວລາວຫລາຍຂຶ້ນໃນປີທ່ອງທ່ຽວ ລາວ 2012 ທີ່ຈະມາເຖິງແລະຫວັງດຶງດູດນັກທ່ອງທ່ຽວໃນເອີຣົບ ແລະ ອາເມລິກາໃຫ້ເພີ່ມຂຶ້ນເລື້ອຍໆ.

ຫລັກສູດທີ່ຈະກຳນົດເປົ້າຫມາຍສາມາດເຮັດໃຫ້ສະພາບແວດລ້ອມໂດຍສະເພາະດ້ານອຸດສາຫະກຳການທ່ອງທ່ຽວຈະສ້າງລາຍຮັບເປັນກອບເປັນກຳໃຫ້ກຸ່ມປະເທດອາຊີໃນປີ 2015 ສະເພາະລາວພາກການທ່ອງທ່ຽວຈະເປັນສ່ວນຫນຶ່ງໃນການພັດທະນາ ແລະກຽມຄວາມພ້ອມສຳລັບການລວມກຸ່ມອາຊຽນຊ່ວຍໃນການຂົນສົ່ງນັກທ່ອງທ່ຽວເຂົ້າມາທ່ຽວລາວຫລາຍຂຶ້ນ ໂດຍເສດຖະກິດຂອງລາວກຳລັງເດີນຫນ້າໄປເລື້ອຍໆເຮັດໃຫ້ມີລາຍໄດ້ ຈາກນັກທ່ອງທ່ຽວທັງພາຍໃນແລະຕ່າງປະເທດເຂົ້າມາທ່ຽວໃນແຕ່ລະແຂວງ, ເມືອງ ແລະ ເຂດອື່ນໆ.

Ecom

Posted by samakomlao on 9:40 PM. Filed under 2008 Laos, development, Lao National Tourism Administration, Laos, Tourism . You can follow any responses to this entry through the RSS 2.0. Feel free to leave a response