ປ່ຽນໂສມໜ້າໃໜ່ ບໍລິເວນນໍ້າພຸລາວ ໃຫ້ທັນສະໄໜຫຍິ່ງຂຶ້ນ
ເພື່ອເປັນການຕ້ອນຮັບກອງປະຊຸມອາເຊມ 2012 ທີ່ ສປປ ລາວ ໄດ້ຮັບກຽດເປັນເຈົ້າພາບ ທັງຕ້ອນຮັບປີການທ່ອງທ່ຽວລາວ 2012 ແລະ ເພື່ອສ້າງສີສັນໃໝ່ໃນເຂດຕົວເມືອງໃຫ້ມີຄວາມສະອາດງາມຕາ ເປັນລະບຽບຮຽບຮ້ອຍ ສອດຄ່ອງກັບນະໂຍບາຍ 6 ສ ທີ່ນະຄອນຫຼວງ ວາງອອກ ແລະ ເພື່ອຫຼີກລ່ຽງປະກົດການຫຍໍ້ທໍ້ທີ່ມັກເກີດຂຶ້ນໃນບໍລິເວນດັ່ງກ່າວ ສະນັ້ນ ອຳນາດການປົກຄອງນະຄອນຫຼວງວຽງຈັນ ຈຶ່ງໄດ້ມອບໃຫ້ບໍລິສັດເອເຊຍ ລົງທຶນ ແລະ ບໍລິການ ຈຳກັດ ເປັນຜູ້ບູລະນະ ແລະ ສ້າງກິດຈະກຳ ໂດຍການລົງທຶນຂອງບໍລິດສັດ 100% ໃນມູນຄ່າເບື້ອງຕົ້ນ 10 ຕື້ກີບ ເຊິ່ງປັດຈຸບັນ ກຳລັງເລີ່ມຂຸ້ນຂ້ຽວໃນການກໍ່ສ້າງ ແລະ ຄາດວ່າຈະສຳເລັດກ່ອນເດືອນເມສາ 2012 ໃຫ້ທັນກັບການສະຫຼອງບຸນປີໃໝ່ລາວ 2555.
ໂຄງການດັ່ງກ່າວ ທາງນະຄອນຫຼວງວຽງຈັນ ໄດ້ສົມທົບກັບບໍລິສັດເອເຊຍ ລົງທຶນ ແລະ ບໍລິການ ຈຳກັດ ແລະ ສະມາຄົມສະຖາປະນິກ ເພື່ອຕົກລົງເປັນເອກະພາບດ້ານໂຄງການອອກແບບ ໃຫ້ສອດຄ່ອງເໝາະສົມກັບສະພາບແວດລ້ອມອ້ອມຂ້າງໃຫ້ຍືນຍົງ.
ທ່ານ ພຶດສະພາ ພູມມະສັກ ຮອງອຳນວຍການບໍລິສັດເອເຊຍ ລົງທຶນ ແລະ ບໍລິການຈຳກັດ ເປີດເຜີຍວ່າ: ໂຄງການບູລະນະສວນນ້ຳພຸຊຽງຍືນ ມີເນື້ອທີ່ 3.000 ກ່ວາຕາແມັດ ໃນນັ້ນ ຈະມີການປັບປຸງລະບົບນ້ຳພຸໃຫ້ມີລະບົບແສງສີສຽງທີ່ທັນສະໄໝ ເປັນລະບົບລະບຳນ້ຳ (ເປັນນ້ຳພຸ ປະສານສຽງດົນຕີ) ປັບປຸງພື້ນທີ່ທາງຍ່າງໃຫ້ສະອາດຈົບງາມ ປັບປຸງສວນດອກ ໄມ້ໃຫ້ມີສີຂຽວ ແລະ ມີລັກສະນະຊາດຫຼາຍຂຶ້ນ ພ້ອມທັງສ້າງສະຖານທີ່ພັກຜ່ອນເປັນຄຼີອອສ ເປັນອາຄານປອດໂປ່ງ ເພື່ອໃຫ້ນັກທ່ອງທ່ຽວ ຫຼື ມວນຊົນທົ່ວໄປໄດ້ ມີບ່ອນພັກຜ່ອນຢ່ອນອາລົມ ນອກນັ້ນ ຍັງຈະມີການປັບປຸງລະບົບແສງສະຫວ່າງ ໃຫ້ເຂົ້າກັບສະພາບແວດລ້ອມ ແລະ ທັດສະນີຍະພາບໃນຕົວເມືອງໃຫ້ງົດງາມທັນສະໄໝຂຶ້ນຕື່ມ.
ທ່ານ ພຶດສະພາ ພູມມະສັກ ກ່າວຕື່ມວ່າ: ເມື່ອໂຄງການນີ້ສ້າງສຳເລັດແລ້ວ ຈະສ້າງໃຫ້ນະຄອນຫຼວງວຽງຈັນ ມີໃບໜ້າໃໝ່ ເປັນບ່ອນພັກຜ່ອນທ່ອງທ່ຽວອີກແຫ່ງໜຶ່ງທີ່ສວຍງາມ ຈະເປີດນ້ຳພຸທຸກໆວັນ ແຕ່ຕອນທ່ຽງຮອດຕອນແລງ ພ້ອມທັງເປັນບ່ອນເຜີຍແຜ່ຂໍ້ມູນຂ່າວສານດ້ານວັດທະນະທຳ ການທ່ອງທ່ຽວລາວ ແລະ ສະຖານທີ່ແຫ່ງນີ້ຍັງສາມາດຈັດກິດຈະກຳໄດ້ຫຼາຍຕື່ມອີກ.
Posted by samakomlao
on 9:47 PM. Filed under
development,
developments,
Laos
.
You can follow any responses to this entry through the RSS 2.0.
Feel free to leave a response
:))
;))
;;)
:D
;)
:p
:((
:)
:(
:X
=((
:-o
:-/
:-*
:|
8-}
:)]
~x(
:-t
b-(
:-L
x(
=))
ຖ້າເພິ່ນບອກວ່າ ສີ່ເດືອນ ແມ່ນຕ້ອງແລ້ວ ພາຍໃນ ໜຶ່ງປີ
ຖ້າບໍ່ແມ່ນອ້າຍນ້ອງຫວຽດນາມກໍ່ສ້າງ ຂ້ອຍວ່າ ຊົງຊິແລ້ວຍາກ
ເພາະກໍາມະກອນລາວ ແມ່ນເຮັດວຽກຊ້າຫຼາຍ
ເບິ່ງເສັ້ນທາງດ້ານຫຼັງທາດຫຼວງເປັນຕົວຢ່າງ
ເສັ້ນທາງສັ້ນໆ ໃຊ້ເວລາສອງປີ ຍັງບໍ່ແລ້ວ
This looks really nice! I'm so glad Laos is moving in the right direction as far as city planning.
ຂ້ອຍສິຖ້າເບີ່ງ
ເປັນຕາອີ່ຕົນ ບັນດາຮ້ານຢູ່ບໍລິເວນນັ້ນ
ກໍາລັງຈະໄດ້ລູກຄ້າ ຊ່ວງປີໃໝ່
ຕ້ອງມາກິດຈະການຫຼົ້ມຈົມ ຍ້ອນການກໍ່ສ້າງນີ້
ໃນພາດຫົວຂ່າວສະກົດກະບໍ່ຖືກ ທັນສະໄໝ ຄຳວ່າໄໝບໍ່ແມ່ນສະກົດໄໜ ອີກຄຳຍິ່ງຂຶ້ນ ບໍ່ແມ່ນສະກົດ ຫຍິ່ງຂຶ້ນ
Stop corruption, move forward, plan will finish on time. Lao yuu, Lao sunk, Lao samakee, use khon lao labors!!!
ແບບມີຕັ້ງ 2 ຮູບ, ຈັກຊິເຮັດແບບໃດແທ້ກໍ່ບໍ່ລະບຸໄວ້ວ່າແມ່ນໂຕໃດ. ນັກຂ່າວຂຽນຂ່າວບໍ່ມີຄວາມຮັບຜິດຊອບຕໍ່ເນື້ອໃນຂອງຂ່າວຈັກໜ້ອຍ.ຂ່າວໃດບໍ່ມີຄ່າຕອບແທນກໍ່ບໍ່ສົນໃຈຈັກໜ້ອຍເລີຍວ່າຂໍ້ມູນມັນຈະຄົບຖ້ວນສົມບູນຫຼືບໍ່? ແລ້ວນ້ຳພຸໂຕເກົ່າເພິ່ນຈະທັບຖິ້ມ ຫຼື ອະນຸລັກເອົາໄວ້ກໍ່ບໍ່ຮູ້ລາຍລະອຽດຫຍັງເລີຍ.
ເຮັດແບບລາວໆ
ບຸນບ້ານເຮົາ
ຄ່ອຍຍ້ຳຄ່ອຍກືນ
ດີບໍ່ດີ...ຂໍເບີກເງີນລ່ວງໜ້າ
ຮອດເດືອນຫົກແລ້ວຍັງສ້ອມແປງບໍ່ແລ້ວປານນີ້