ລັດອະນຸມັດດິນ 1.000 ເຮັກຕາ ໃຫ້ນັກລົງທຶນຈີນປູກຢາງພາລາ
ລັດຖະບານເປີດໄຟຂຽວໃຫ້ນັກລົງທຶນຈີນເຂົ້າສຳປະທານເນື້ອທີ່ດິນ1 ພັນເຮັກຕາທີ່ເມືອງເຊໂປນແຂວງສະຫວັນນະເຂດເພື່ອປູກຢາພາລາ ໂດຍຄາດການໃນເບື້ອງ ຕົ້ນຈະໃຊ້ທຶນປະມານ8 ລ້ານໂດລາສະຫະລັດປູກໃຫ້ສຳເລັດໃນທ້າຍເດືອນປີ 2012 ປະທານບໍລິສັດກ່າວມີຄວາມຕ້ອງການແຮງງານມື້ຫນຶ່ງບໍ່ຫລຸດ 300 ຄົນ.
ພິທີເຊັນສັນຍາໄດ້ມີຂຶ້ນໃນມື້ວານນີ້ທີ່ໂຮງແຮມລ້ານຊ້າງນະຄອນຫລວງວຽງຈັນ, ຕາງຫນ້າໃຫ້ລັດຖະບານລາວລົງນາມໂດຍທ່ານດຣ. ອາຄົມຕຸນາລົມລັດຖະມົນຕີຊ່ວຍວ່າການ ກະຊວງຊັບພະ ຍາກອນທຳມະຊາດແລະສິ່ງແວດລ້ອມກັບທ່ານຈົ່ງເຫວີນໂຈະຜູ້ອຳນວຍການບໍລິສັດກວາງດາ-ລາວຈຳກັດ, ເຂົ້າຮ່ວມເປັນສັກຂີພິຍານມີບັນດາທ່ານຮອງຫົວຫນ້າ ກົມສົ່ງເສີມການລົງທຶນກະຊວງແຜນການແລະກາລົງທຶນ, ຮອງຫົວຫນ້າຫ້ອງການກະຊວງກະສິກຳແລະປ່າໄມ້, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານຈົ່ງເຫວີນໂຈະຜູ້ອຳນວຍການບໍລິສັດກວາງດາ-ລາວຈຳກັດ, ໄດ້ໃຫ້ສຳພາດຕໍ່ສື່ມວນຊົນວ່າ: ບໍລິສັດໄດ້ຮັບອະນຸຍາດຈາກລັດຖະບານແຫ່ງ ສປປລາວ ເຂົ້າມາລົງທຶນສຳປະ ທານເນື້ອທີ່ດິນ1 ພັນເຮັກຕາຢູ່ເມືອງເຊໂປນແຂວງສະຫວັນນະເຂດເຊິ່ງເປັນເມືອງຫນຶ່ງທີ່ມີຊາຍແດນຕິດກັບທ່າເຮືອຂອງຫວຽດນາມພື້ນທີ່ດັ່ງກ່າວຈະມີຄວາມສະດວກດ້ານການ ສົ່ງອອກມີຄວາມສະດວກສະ ບາຍແລະສະພາບຂອງດິນເຂດນີ້ເຫມາະສົມໃນການປູກຝັງ.
ທ່ານຜູ້ອຳນວຍການໃຫ້ຮູ້ຕື່ມວ່າ: ນັບແຕ່ຕົ້ນປີຫນ້າຈະໄດ້ເລີ່ມລົງມືບຸກເບີກແລະປູກຕົ້ນຢາງພາລາ, ໂດຍມີຄວາມຕ້ອງການແຮງງານຄົນລາວບໍ່ຫລຸດ 300 ຄົນຕໍ່ວັນຄາດທ້າຍ ປີ 2012 ຈະປູກໃຫ້ສຳເລັດ, ຕາມຄາດການເບື້ອງຕົ້ນຈະຕ້ອງການປະລິມານລົງທຶນ 8 ລ້ານໂດລາສະຫະລັດ.
Posted by samakomlao
on 1:42 PM. Filed under
development,
developments
.
You can follow any responses to this entry through the RSS 2.0.
Feel free to leave a response
:))
;))
;;)
:D
;)
:p
:((
:)
:(
:X
=((
:-o
:-/
:-*
:|
8-}
:)]
~x(
:-t
b-(
:-L
x(
=))
ສໍາປະທານດິນໃຫ້ຕ່າງຊາດຄວນຄໍານຶງເຖິງຜົນກະທົບຕໍ່ປະຊາຊົນໃນທ້ອງຖິ່ນ ປະຈຸບັນປັນຫາທີ່ດິນເປັນປັນຫາທີ່ລັດບໍ່ເຄີຍຄິດແກ້ໄຂເລີຍ ເຊັ່ນເລື່ອງກວມເອົາເນື້ອທີ່ການຜະລິດຂອງຊາວບ້ານ ລັດມັກຈະເວົ້າວ່າດິນເປັນຂອງລັດ ລັດຢາກເຮັດຫຍັງກໍ່ໄດ້ ມັນຖືກຕ້ອງແລ້ວບໍ? ການສໍາປະທານດິນສ່ວນໃຫຍ່ເປັນພຽງສາກບັງໜ້າຂອງການຕັດໄມ້ຂາຍ ສຸດທ້າຍບໍ່ເຮັດຫຍັງ ບາງເທືອກໍ່ຂາຍທອດຕະຫຼາດໃຫ້ຜູ້ອື່ນມາຊື້ຕໍ່ ຢ່າເອົາຊາດບ້ານເມືອງເປັນເງື່ອນໄຂຂອງການສໍ້ໂກງເດີທ່ານ ພິຈາລະນາໃຫ້ທີ່ຖ້ວນຈະບໍ່ເປັນພາລະໃຫ້ຄົນ ລຸ້ນຫຼັງ ດ້ວຍຄວາມຫວັງດີ
ສໍາປະທານດິນໃຫ້ຕ່າງຊາດຄວນຄໍານຶງເຖິງຜົນກະທົບຕໍ່ປະຊາຊົນໃນທ້ອງຖິ່ນ ປະຈຸບັນປັນຫາທີ່ດິນເປັນປັນຫາທີ່ລັດບໍ່ເຄີຍຄິດແກ້ໄຂເລີຍ ເຊັ່ນເລື່ອງກວມເອົາເນື້ອທີ່ການຜະລິດຂອງຊາວບ້ານ ລັດມັກຈະເວົ້າວ່າດິນເປັນຂອງລັດ ລັດຢາກເຮັດຫຍັງກໍ່ໄດ້ ມັນຖືກຕ້ອງແລ້ວບໍ? ການສໍາປະທານດິນສ່ວນໃຫຍ່ເປັນພຽງສາກບັງໜ້າຂອງການຕັດໄມ້ຂາຍ ສຸດທ້າຍບໍ່ເຮັດຫຍັງ ບາງເທືອກໍ່ຂາຍທອດຕະຫຼາດໃຫ້ຜູ້ອື່ນມາຊື້ຕໍ່ ຢ່າເອົາຊາດບ້ານເມືອງເປັນເງື່ອນໄຂຂອງການສໍ້ໂກງເດີທ່ານ ພິຈາລະນາໃຫ້ທີ່ຖ້ວນຈະບໍ່ເປັນພາລະໃຫ້ຄົນ ລຸ້ນຫຼັງ ດ້ວຍຄວາມຫວັງດີ
ຊົມເຊີຍ ຂ້າພະເຈົ້າຂໍຊົມເຊີຍທ່ານ ສຸດອົກສຸດໃຈ ຖ້າທ່ານໄກສອນ ຍັງມີຊີວິດ ແນ່ນອນທ່ານກໍ່ຄົງຈະເວົ້າເໝືອນທ່ານ. ແຕ່ລະວັງເດີທ່ານເວົ້າຄືແນວນີ້ ຜູ້ທີ່ຂັດຜົນປະໂຫຍດສ່ວນຕົວເຂົາຈະຫາເລືອ່ງໃສ່ທ່ານວ່າ ເປັນຄົນຍໍ່ດີ,ເປັນຄົນປັ່ນປ່ວນໃນສັງຄົມ, ເປັນຜູ້ສ້າງແຕກແຍກໃນບ້ານເມືອງ, ບໍ່ເໝືອນພວກເພິ່ນທີ່ເປັນຄົນຮັກຊາດຮັກປະຊາຊົນ ແລະ ປະຊາຊົນກໍ່ສຸດທີ່ຈະເທິດທູນບູຊາ ໄປທາງໃດກໍ່ມີແຕ່ຄົນນັບໜ້າຖືຕາ, ມີຜູ້ຜູກຂໍ່ຕໍ່ແຂນ ຂີາຍົນໄປອີກ.
ຖ້າຈະເຮັດຫຍັງກ່ຽວກັບຊັບພະຍາກອນຂອງປະເທດ ກໍຄວນຄຶດໃຫ້ໜັກເດີທ່ານ "ຜູ້ນໍາເອີຍ ເພາະບັນພະຊົນແລະວິລະຊົນ ໄດ້ເສຍເລືອດເນື້ອເພື່ອຮັກສາໄວ້ໃຫ້ລູກຫຼານ ເພື່ອໃຫ້ລູກລາວຫຼານລາວມີສັກສີ ມີຊາດເປັນຂອງຕົນເອງ ແຕ່ຖ້າທ່ານຄິດພຽງຜົນປະໂຫຍດຂອງຕົນເອງ ແລະການເຕີບໂຕທາງເສດຖະກິດແບບຫຼັບຫູຫຼັບຕາກໍ່ຄວນຕັ້ງສະຕິໃໝ່ ເພາະ GDP ມັນບໍ່ໄດ້ໄປຮອດຜູ້ທຸກຍາກແທ້ດອກ ແຕ່ສ່ວນຫຼາຍແລ້ວມັນສ້າງຄວາມແຕກໂຕນທາງສັງຄົມຫຼາຍກວ່າ ສຸດທ້າຍແລ້ວຜູ້ທຸກກໍ່ຈະຍິງທຸກຕື່ມອີກ ການສໍາປະທານທີ່ດິນຖ້າເຮັດຢ່າງຖືກຕ້ອງແລະຮັດກຸມກໍສິເປັນປະໂຫຍດ ແຕ່ຖ້າໂກງກິນກໍ່ຈະເສຍອໍານາດໃນການຄຸມຄອງເພື່ອໃຫ້ເກີດຄວາມຖືກຕ້ອງ ການໂກງຫຼືກິນເງິນສິນບົນ ມັນຈະເຮັດໃຫ້ເສຍອໍານາດໄປໂດຍປະລິຍາຍ ຈະມີແຕ່ຜູ້ນໍາທີ່ໜັກແໜ້ນເທົ່ານັ້ນທີ່ຈະສາມາດລຸດຜົ້ນອອກຈາກວົງຈອນອຸບາດນີ້ໄດ້ ແຕ່ທ່ານຜູ້ນໍາຜູ້ນັ້ນກໍ່ຕ້ອງບັງຄັບໃຊ້ກົດໝາຍໃຫ້ສັກສິດ ເພື່ອບໍ່ໃຫ້ລູກນ້ອງຂອງທ່ານໂກງກິນຍ້ອນຄວາມອ່ອນແອຂອງທ່ານ ມັນຄືສິບໍ່ມີປະໂຫຍດຫຍັງຖ້າພຽງແຕ່ທ່ານບໍລິສຸດ ແຕ່ຜູ້ໄຕ້ບັງຄັບບັນຊາຂອງທ່ານຊໍາພັດໂກງກິນແລ້ວທ່ານ ກໍນິ້ງດູດາຍດ້ວຍເງື່ອນໄຂບາງຢ່າງ (ດ້ວຍຄວາມເປັນຫ່ວງແທ້ໆ ຈາກຄົນລຸ້ນໃໝ່)