ຈຸດບອດ ທີ່ທີມ U-22 ຕ້ອງຮີບຮ້ອນແກ້ໄຂ
ທີມບານເຕະຊາດລາວ ຮຸ່ນອາຍຸບໍ່ເກີນ 22 ປີ (U-22) ຕ້ອງໄດ້ເລັ່ງແກ້ໄຂຈຸດບອດຂອງຕົນເອງ ໂດຍສະເພາະແມ່ນການຍິງປະຕູຄູ່ແຂ່ງບໍ່ແມ້ນ ຈຶ່ງເຮັດໃຫ້ຄວາມຫວັງຍາດ ໄດ້ອັນດັບທີ 3 ໃນການແຂ່ງຂັນເຕະບານ U-22 ຊີງແຊ໋ມ ອາຊີ ຮອບຄັດເລືອກຂອງກຸ່ມ F ທີ່ ສປປ ລາວ ເປັນເຈົ້າພາບຕ້ອງຫລຸດມືໄປ ແລະ ບໍ່ອາດຜ່ານເຂົ້າໄປໃນຮອບທີ 2 ໄດ້ສຳເລັດ
ໃນເບື້ອງຕົ້ນຄູຝຶກ ທີມ U-22 ລາວ ຕັ້ງເປົ້າຫມາຍໃຫ້ຊະນະ ທີມຊາດກຳປູເຈຍ. ແຕ່ກົງກັນຂ້າມ ເກືອບຖືກທີມກຳປູເຈຍ ພິກມາເອົາຊະນະໄດ້ຈຶ່ງຈົບລົງດ້ວຍການສະເຫມີກັນ 3-3, ຕໍ່ຜົນການແຂ່ງຂັນດັ່ງກ່າວ ຈຶ່ງເຮັດໃຫ້ກອງເຊຍບໍ່ພໍໃຈຕໍ່ຜົນງານທັງທີ່ວ່າ ທີມກຳປູເຈຍທີ່ຢູ່ຮ່ວມກັບກຸ່ມ F ດຽວກັນກັບທີມຊາດລາວ ເຊິ່ງເປັນທີມບໍ່ແຂງແກ່ນປານໃດ ເພາະຊະນະພຽງທີມເຂດພິເສດຮົງກົງເທົ່ານັ້ນ. ໃນໂອກາດນີ້ ທ່ານ ສົມສັກ ແກ້ວດາລາ, ຄູຝຶກທີມບານເຕະຊາດລາວ ຮຸ່ນອາຍຸບໍ່ເກີນ 22 ປີ ອອກມາຍອມຮັບເຖິງຈຸດບົກຜ່ອງ ຂອງທີມວ່າ: ເຮົາກໍຮູ້ກັນດີຢູ່ແລ້ວວ່າ ໃນການແຂ່ງຂັນເຕະບານຊີງແຊ໋ມອາຊີ ຄັ້ງນີ້ ເຖິງແມ່ນວ່າທີມເຮົາຈະຊະນະໃນນັດສຸດທ້າຍ ທີ່ພົບກັບທີມ ກຳປູເຈຍ ກໍຕາມ. ແຕ່ຄະແນນ ຍັງຫນ້ອຍກວ່າກຸ່ມອື່ນ ເພາະສະຫະພັນບານເຕະອາຊີ (AFC) ວາງລະບຽບວ່າຕ້ອງເລືອກເອົາທີມທີ່ເປັນອັນດັບທີ 3 ມີຄະແນນສູງສຸດຂອງ 7 ກຸ່ມ ຜ່ານເຂົ້າຮອບຕໍ່ໄປ.
ດ້ວຍ ເຫດນີ້ ຈຶ່ງເຮັດໃຫ້ນັກກິລາຂາດກຳລັງ, ກົງກັນຂ້າມກັບທີມ ກຳປູເຈຍ ເພາະຮູ້ຢູ່ແລ້ວວ່າຕົກຮອບ, ດັ່ງນັ້ນ ພວກເຂົາຈຶ່ງບືນສຸດຂີດ ເພື່ອຕ້ານການບຸກຂອງລາວເຮົາ ດ້ວຍການ ຫລິ້ນບານຕ້ານເປັນຫລັກ. ສ່ວນທີມຊາດ U-22 ຂອງລາວ ບໍ່ແມ່ນວ່າເຮັດບໍ່ໄດ້ດີດອກ ເຊິ່ງທຸກຄົນກໍເຮັດເຕັມທີ່ ແລະ ສຸດຄວາມສາມາດຂອງເຂົາຢູ່ແລ້ວ ແຕ່ການຂຶ້ນເຈາະ ແຜງຫລັງຂອງທີມ ກຳປູເຈຍ ເຮັດໄດ້ຍາກ ແລະ ນັກເຕະຂຶ້ນມາຫລິ້ນບານສູງ, ເມື່ອຖືກທີມກຳປູເຈຍໂຕ້ກັບໄວ້ ຈຶ່ງບໍ່ອາດລົງມາຕ້ານໄດ້ຈົນເສຍປະຕູກ່ອນ. ພ້ອມນີ້ການບຸກຍິງ ປະຕູຂອງທີມຊາດລາວຍັງບໍ່ເດັດຂາດ ເຖິງມີໂອກາດຫລາຍຄັ້ງແຕ່ຍິງບໍ່ແມ້ນ.
ແຕ່ຂໍຄົງຄ້າງດັ່ງກ່າວນີ້ ພວກເຮົາຈະເລັ່ງປັບປຸງຈຸດນີ້ ເພາະຖ້າແກ້ຈຸດນີ້ໄດ້ ຈະເຮັດໃຫ້ທີມມີຄວາມ ແຂງແກ່ນຍິ່ງກວ່າເກົ່າ ເນື່ອງຈາກລະບົບການຫລິ້ນຂອງທີມຊຸດນີ້ ຖືວ່າຫລິ້ນໄດ້ມາດຕະຖານດີພໍສົມຄວນ
ພ້ອມນີ້ ທ່ານ ສົມສັກ ແກ້ວດາລາ ກໍຝາກຄວາມເສຍໃຈມາຍັງກອງເຊຍ ທີ່ບໍ່ອາດເອົາຊະນະໃນນັດສຸດທ້າຍ ອັນໄດ້ເຮັດໃຫ້ກອງເຊຍຜິດຫວັງ ແລະ ພ້ອມນຳເອົາບົດຮຽນໃນຄັ້ງນີ້ ນຳໄປປັບປຸງຂໍ້ຄົງຄ້າງຕ່າງໆ ເພື່ອເຮັດໃຫ້ນັກກິລາຮຸ່ນນີ້ ກ້າວຫນ້າໄປໄກກວ່າເກົ່າ
Kpl
Posted by samakomlao
on 12:33 PM. Filed under
:))
;))
;;)
:D
;)
:p
:((
:)
:(
:X
=((
:-o
:-/
:-*
:|
8-}
:)]
~x(
:-t
b-(
:-L
x(
=))
ພວກເດັກລາວນີ້ ເກດມາເຕະເພື່ອເສັຽ ເພາະເຂົາກິນແຕ່ເຫລົ້າ ປີ້ງແບ້ປະຈໍາ ແຖມເສບຢາບ້າອີກ ແລ້ວຊິມີເຫື່ອແຮງແນວໃດ?
Can't read, a lot the box, to many box
let you fix Laofont
report from US public Libraly
ໄດ້ເງີນໜ້ອຍ ເຕະຊະນະບໍ່ໄດ້ເງີນ ເຕະເສຍໄດ້ເງີນກະເຈົ້າກະເຕະເສຍ
ໄດ້ເງີນໜ້ອຍ ເຕະຊະນະບໍ່ໄດ້ເງີນ ເຕະເສຍໄດ້ເງີນກະເຈົ້າກະເຕະເສຍ