ລາວຢືນຢັນສົ່ງ 25 ປະເພດ ກີລາຮ່ວມຊີເກມຄັ້ງທີ 26
ສປປ ລາວ ຈະສົ່ງ 25 ປະເພດກີລາຮ່ວມຊີເກມຄັ້ງທີ 26 ທີ່ປະເທດອິນໂດເນເຊຍລະຫວ່າງວັນທີ 11-22 ພະຈິກນີ້ ໃນນັ້ນ 12 ປະເພດກີລາທີ່ເປັນຄວາມຫວັງຍັງເປັນກີລາຕໍ່ສູ້ 6 ປະເພດກີລາເປັນພາກບັງຄັບອີກ 7 ປະເພດສືບຕໍ່ພັດທະນາ.
ກອງປະຊຸມກຽມນັກກີລາ ສປປ ລາວ ເຂົ້າຮ່ວມມະຫະກຳກີລາແຫ່ງຊາດຄັ້ງທີ 26 ທີ່ປະ ເທດອິນໂດເນເຊຍໄດ້ຈັດຂຶ້ນ ເມື່ອວັນທີ 28 ຕຸລາຜ່ານມາທີ່ຄະນະກຳມະການກີລາ-ກາຍະ ກຳແຫ່ງຊາດພາຍໃຕ້ການເປັນປະທານຂອງ ທ່ານ ດຣ. ພັນຄຳ ວິພາວັນ ລັດຖະມົນຕີວ່າການກະຊວງສຶກສາທິການ ແລະ ກີລາ ພ້ອມຄະນະ ແລະ ນັກກີລາເຂົ້າຮ່ວມຢ່າງຄົບຫນ້າ.
ທ່ານ ບົວລານ ສີລິປັນຍາ ລັດຖະມົນຕີວ່າການກະຊວງສຶກສາທິການ ແລະ ກີລາເຜີຍເຖິງ 12 ປະເພດກີລາທີ່ເປັນຄວາມຫວັງໃນການເຂົ້າຮ່ວມຊີເກມຄັ້ງນີ້ມີ: ເປຕັງ, ເທຄວັນໂດ, ມວຍສາກົນ, ວູຊູ, ຢູໂດ, ກາຣາ ເຕໂດ, ມວຍປ້ຳ, ປັນຈັກສີລັດ, ມວຍແຄມໂປ້, ຫວໍວີນາມ, ດຳ ນ້ຳ ແລະ ຍິງປືນເປົ້າເລື່ອນຍິງ.
ອີກ 6 ປະເພດກີລາທີ່ເປັນພາກບັງຄັບຍັງເປັນແລ່ນ-ລານ, ບານສົ່ງຫາດຊາຍ, ລອຍນ້ຳ, ຍົກນ້ຳຫນັກ, ກະຕໍ້ ແລະ ຊັອບເທັນນິສ, ສ່ວນປະເພດບານເຕະຊາຍ, ດອກປີກໄກ່, ຍິງທະນູ, ປິ່ງປ໋ອງ, ເທັນນິສ, ລົດຖີບ ແລະ ກ໊ອຟຈັດເປັນປະເພດເຂົ້າຮ່ວມຍົກລະດັບຄວາມສາມາດໃຫ້ສູງຂຶ້ນ ທ່ານ ບົວລານ ກ່າວ.
ສຳລັບນັກກີລາທີ່ເປັນຄວາມຫວັງທັງ 12 ປະເພດກີລາທີ່ກ່າວ ມາເບື້ອງຕົ້ນໄດ້ເຂົ້າເກັບຕົວຝຶກຊ້ອມມາແຕ່ເດືອນມີນາ 2011 ບາງປະເພດກໍ່ໄດ້ທົດສອບກັບນັກກີລາຕ່າງປະເທດເພື່ອກຽມຄວາມພ້ອມເຂົ້າຮ່ວມໃນງານຊີເກມຄັ້ງນີ້.
Posted by samakomlao
on 10:44 PM. Filed under
:))
;))
;;)
:D
;)
:p
:((
:)
:(
:X
=((
:-o
:-/
:-*
:|
8-}
:)]
~x(
:-t
b-(
:-L
x(
=))
Can't read Lao news, we need aotomatic Lao Font please
From: US Library