ແຟນບານງົງ !!! U-23 ລາວແຂ່ງຂັນ ຕົກຮອບທຳອິດໄດ້ແນວໃດ ?

ຊີເກມຄັ້ງທີ 26 ອິນໂດເນເຊຍເຖິງຈະຈົບໄປແຕ່ຍັງເປັນຄວັນຫລົງກັບຜົນງານ ຂອງນັກເຕະລາວທີ່ສະແດງຜົນງານບໍ່ອອກແຕ່ນັດທຳອິດມີຜູ້ຫລິ້ນເຫນືອກວ່າຄູ່ແຂ່ງ​ເຖິງ 4 ນັດແຕ່ ເກັບໄຊຊະນະບໍ່ໄດ້ຕົກຮອບແລກແບບຄາໃຈກອງເຊຍທົ່ວປະເທດດ້ານຄູຝຶກກ່າວມີເວລາເກັບໂຕນັກເຕະຫນ້ອຍ.

U-23 ລາວສະແດງຜົນງານບໍ່ອອກແຂ່ງ 5 ນັດຊະນະໄດ້ພຽງແຕ່ທີມອ່ອນຢ່າງຕີມໍເລສເຕເທົ່ານັ້ນຕົກຮອບແລກຊີເກມອິນໂດເນເຊຍ. ສ່ວນອີກ 4 ນັດກ່ອນຜົນງານຫນ້າຜິດຫວັງ ມີຜູ້ຫລິ້ນເຫນືອກວ່າຄູ່ແຂ່ງໃນສະຫນາມແຕ່ກັບພິກມາເສຍປະຕູຊ້ວງທ້າຍເກມ(ເສຍໃນມຽນມາ2-3 ປະຕູ, ສະເຫມີບຣູໄນ 2-2 ປະຕູ, ເສຍໃຫ້ຟີລິບປິນ 2-3 ປະຕູແລະເສຍໃຫ້ ຫວຽດນາມ 1-2 ປະຕູ)ຕົກຮອບຊີເກມທີ່ອິນໂດເນເຊຍ.

ຈາກຜົນງານທີ່ບໍ່ຫນ້າເຊື່ອຖືຂອງທີມຊາດລາວທ່ານປີເຕີຊາເລີຄູຝຶກຊຸດນີ້ໃຫ້ຮູ້ວ່າ: ນັດພົບມຽນມາເຮົາໄດ້ປຽບຄູ່ແຂ່ງຕັ້ງແຕ່ຕົ້ນເກມທີ 2, ບຣູໄນ, ຟີລິບປີນ ແລະ ຫວຽດນາມ ກໍ່ເຊັ່ນດຽວກັນກ່ອນຈົບເກມເຮົາຫນ້າຈະເປັນຝ່າຍຊະນະແຕ່ຖືກຄູ່ແຂ່ງຍິງຊ້ວງທ້າຍເກມຕະຫລອດ.

ຢ່າງໃດກໍ່ດີຈາກການປະລະໄຊຄັ້ງນີ້ນັບເປັນຄວາມຜິດພາດຂອງທີມເຊິ່ງເຮົາສັງເກດເຫັນວ່າເກມທີ 2 ທຸກນັດເຮົາຈະຫມົດແຮງຕະຫລອດພ້ອມທັງກອງເຊຍຄູ່ແຂ່ງ, ນັກເຕະເຮົາຈຳ ນວນຫນຶ່ງປະສົບການນ້ອຍເມື່ອມີສຽງໂຮ່ຂ້າງສະຫນາມເຮັດໃຫ້ເຮົາຫລິ້ນຍາກໃນທີ່ສຸດກໍ່ເກີດຄວາມຜິດພາດຂອງນັກເຕະເອງຈົນເສຍທ່າໃຫ້ຄູ່ແຂ່ງຄູຝຶກກ່າວ.

ປີເຕີຊາເລີເວົ້າເຖິງການກຽມທີມຊຸດນີ້ໃຊ້ເວລາພຽງແຕ່3 ເດືອນບວກກັບການອຸ່ນເຄື່ອງກັບທີມທີ່ມີປະສົບການສູງເກືອບບໍ່ມີກໍ່ເປັນອີກສາເຫດຫນຶ່ງທີ່ເຮັດໃຫ້ພວກເຮົາເບິ່ງບໍ່ເຫັນ ຈຸດເສຍຂອງຕົນ. ທັງນີ້ຊາເລີຍັງຍ້ອງນັກເຕະລາວວ່າມີການພັດທະນາເຕັກນິກທີ່ດີຂຶ້ນເປັນຕົ້ນແມ່ນພົບກັບຄູ່ແຂ່ງ 4 ນັດສາມາດເຮັດໃຫ້ກຳມະການແຈກໃບແດງໃຫ້ກັບຄູ່ແຂ່ງເຊິ່ງ ຜ່ານມາມີຫນ້ອຍທີ່ນັກເຕະລາວຈະເຮັດໄດ້ດີຂະຫນາດນີ້.

ລຳເນົາສິງໂຕນັກເຕະຕົວເດັ່ນຂອງທີມກ່າວເສີມວ່າ: ຊີເກມຊຸດນີ້ເຮົາເກັບຕົວໃນໄລຍະເວລາທີ່ສັ້ນເກີນໄປ. ການອຸ່ນເຄື່ອງກັບທີມລະດັບຊາດກໍ່ບໍ່ມີແຕກຕ່າງກັບຊີເກມ 2009 ທີ່ ລາວໄດ້ອັນດັບ 4 ຄັ້ງປະຫວັດສາດທີ່ເກັບໂຕເປັນປີ.

Source: Ecom