ນ້ອງນາງສາວປະຕິທິນເບຍລາວ ປີ 2012 ເຜີຍຕົວສູ່ສັງຄົມ

ບັນ­ດາ​ນ້ອງ​ນາງ​ສາວ​ທັງ 6 ຄົນ ທີ່​ຖືກ​ຄັດ​ເລືອກ​ເປັນ​ນາງສາວ​ປະ­ຕິ­ທິນ​ປີ 2012 ຂອງ​ບໍ​ລິສັດ​ເບຍ​ລາວ ຈຳ­ກັດ ເປີດ​ຕົວຢ່າງ​ເປັນ​ທາງ​ການ​ອອກ​ສູ່​ສັງຄົມ​ໃນ​ແລງ​ວານ​ນີ້​ທີ່ໂຮງ­ແຮມເສດ​ຖາ​ປາ​ລາດສ໌ ພິ­ເສດ​ປະ­ຕິ­ທິນ​ເບຍ​ລາວ​ປີ 2012 ນີ້ ເນັ້ນ​ເລື່ອງ​ທຳ​ມະ​ຊາດຄຽງ​ຄູ່​ກັບ​ການ​ຮັກ­ສາ​ສິ່ງ​ແວດລ້ອມ.

ໃຫ້​ກຽດ​ເຂົ້າ​ຮ່ວມ​ເປີດ​ຕົວປະ­ຕິ­ທິນ​ຂອງ​ທ່ານ ບຸນ​ກັນ ກຸ­ລະບຸດ ຜູ້​ຊ່ວຍ​ຜູ້­ອຳ­ນວຍ­ການ​ບໍ​ລິສັດ​ເບຍ​ລາວ ຈຳ­ກັດ ມີ​ພະ­ນັກງານ​ບັນ­ດາ​ສື່​ມວນ​ຊົນ​ທຸກ​ຂະແຫນງ​ການ​ເຂົ້າ​ຮ່ວມ.

ທ່ານ ບຸນ​ກັນ ກຸ­ລະ​ບຸດ ກ່າວວ່າ: ປະ­ຕິ­ທິນ​ເບຍ​ລາວ​ປີ 2012 ເນັ້ນ​ຄວາມ​ບໍ­ລິ­ສຸດ​ສົດ­ໃສ​ຄື​ຈຸດຫມາຍ​ຂອງ​ນັກ​ເດີນ­ທາງ​ທົ່ວໂລກ ໄດ້​ໃຫ້​ຄວາມ​ສົນ­ໃຈ​ຢາກເຂົ້າ​ມາ​ສຳ­ຜັດ​ຢ້ຽມ­ຢາມ​ວິ­ຖີ​ຊີ ວິດ​ອັນ​ດີ­ງາມ​ຂອງ​ຄົນ​ລາວ ດ້ວຍ​ການ​ຊອກ​ຫາ​ຄວາມ​ຫລາກຫລາຍ​ທາງ​ຊີ­ວະ​ນາໆພັນນັ້ນ ແມ່ນ​ຄວາມ​ຫລົງ­ໄຫລ​ໃນ​ຊີ­ວິດທາງ​ທຳ​ມະ​ຊາດ ແລະ ສິ່ງ​ແວດລ້ອມ ເພາະ​ໃນ​ຊີ­ວິດ​ປະ­ຈຳ​ວັນ ຂອງ​ພວກ​ເຮົາ​ແຕ່­ລະ­ຄົນ​ໄດ້​ຊື່ນຊົມ ແລະ ຫລົງ­ໄຫລ​ໃນ​ສິ່ງ​ແວດລ້ອມ​ອ້ອມ​ຂ້າງ​ທີ່​ແຕກ​ຕ່າງ​ກັນບາງ​ຄົນ​ກໍ່​ມັກ​ຕົ້ນ­ໄມ້, ສາຍ​ນ້ຳ ແລະ ກິ່ນ​ຫອມ​ຂອງ​ມວນ​ມາ­ລານາໆ​ຊະ­ນິດ ຫລາຍ​ຄົນ​ກໍ່​ຕິດ​ໃຈກັບ​ອາ­ກາດ​ທີ່​ບໍ­ລິ­ສຸດ​ສົດ­ໃສ ແລະ ປະ​ທັບ​ໃຈ​ກັບ​ປະ­ຕິ​ມະ​ກຳ... ທີ່ທຳ​ມະ​ຊາດ​ໄດ້​ແຕ່ງ​ແຕ້ມ​ໄວ້​ໃຫ້ໃນ​ຜືນ​ແຜ່ນ­ດິນ​ລາວ ສະ­ນັ້ນປະ­ຕິ­ທິນ​ເບຍ​ລາວ​ປີ 2012 ໄດ້ເນັ້ນ​ເລື່ອງ​ທຳ​ມະ​ຊາດ ຄຽງ​ຄູ່ກັບ​ການ​ຮັກ­ສາ​ສິ່ງ­ແວ­ດລ້ອມ.

ທ່ານ ບຸນ​ກັນ ກ່າວ​ຕື່ມ​ອີກວ່າ: ສຳ­ລັບ​ການ​ປະ​ກວດ​ຄົ້ນ​ຫານາງ​ສາວ​ປະ­ຕິ­ທິນ​ເບຍ​ລາວ​ປີ 2012 ໄດ້​ຮັບ​ຄວາມ​ສົນ­ໃຈ​ຈາກມວນ​ຊົນ​ໃນ​ທົ່ວ​ປະ­ເທດ​ພໍ​ສົມຄວນ ໂດຍ​ສະ­ເພາະ​ສາວໆ​ໃຫ້ ຄວາມ​ສົນ­ໃຈ​ມາ​ສະ­ຫມັກ 300 ກວ່າ​ຄົນ, ໃນ​ຕອນ​ທ້າຍ​ທາງ​ບໍ​ລິສັດ​ເບຍ​ລາວ​ຍັງ​ໄດ້​ມອບ​ເງິນລາ­ງວັນ​ໃຫ້​ແກ່ 6 ນ້ອງ​ນາງ ສາວ​ຄົນ​ລະ 15 ລ້ານ​ກີບ.

Ecom

Posted by samakomlao on 10:17 PM. Filed under development, developments, entertainment, Entertainments, Laos . You can follow any responses to this entry through the RSS 2.0. Feel free to leave a response