Lao Central Airlines ຈະນຳເຮືອບິນເຂົ້າມາຕື້ມອີກ 3 ລຳ !!!
ບໍລິສັດລາວ ເຊັນໂທຣ ແອລາຍ ມະຫາຊົນ ຈັດຖະແຫຼງຂ່າວສາຍການບິນລາວ ເຊັນໂທຣ ແອລາຍ ໃນວັນທີ 5 ມັງກອນຜ່ານມາ ທີ່ຫ້ອງປະຊຸມທະນາຄານພົງສະຫວັນ ໂດຍມີອຳນວຍການບໍລິສັດ ນັກບິນ ພະນັກງານບໍລິການເທິງເຮືອບິນ ພະນັກງານທີ່ກ່ຽວຂ້ອງເຂົ້າຮ່ວມ.
ທ່ານນາງ ສະຫວັນພອນ ພົງສະຫວັນ ອຳນວຍການໃຫຍ່ບໍລິສັດລາວ ເຊັນໂທຣ ແອລາຍ ມະຫາຊົນ ໄດ້ກ່າວວ່າ ປັດຈຸບັນ ບໍລິສັດລາວ ເຊັນໂທຣ ແອລາຍ ມະຫາຊົນ ໄດ້ສຳເລັດການກຽມຄວາມພ້ອມໃນດ້ານຕ່າງເກືອບ 100% ບໍລິສັດລາວ ເຊັນໂທຣ ແອລາຍ ມະຫາຊົນ ໄດ້ຈັດຊື້ເຮືອບິນໄອພົ່ນລຸ້ນໂບອິງ 737-400 ຂະໜາດ 168-170 ບ່ອນນັ່ງ ເປັນເຮືອບິນທັນສະໄໝຈາກຕ່າງປະເທດ ຈຳນວນ 2 ລຳ ມາເຖິງນະຄອນຫຼວງວຽງຈັນ ເປັນທີ່ຮຽບຮ້ອຍແລ້ວ ເຊິ່ງເຮືອບິນທັງ 2 ລຳ ໄດ້ຜ່ານຂະບວນການກວດກາ ແລະ ໄດ້ຮັບໃບຢັ້ງຢືນເດີນອາກາດ (C of A) ແລະ ໃບຢັ້ງຢືນການໂອນທະບຽນເປັນລາວ (C of R) ຢ່າງສົມບູນ ເຮືອບິນ 2 ລຳ ເປັນພຽງສ່ວນໜຶ່ງໃນແຜນການຈັດຊື້ເຮືອບິນຂອງບໍລິສັດ ເພື່ອມາໃຫ້ບໍລິການລະຫວ່າງປະເທດ ໃນເບື້ອງຕົ້ນບໍລິສັດຍັງມີແຜນຈະຈັດຊື້ເຮືອບິນລຸ້ນໂບອິງ 737-800 ເພີ່ມອີກໃນຕໍ່ໜ້າ ສຳລັບເປົ້າໝາຍຂອງບໍລິສັດຮອດປີ 2015 ມີແຜນຈະຈັດຊື້ເຮືອບິນໄອພົ່ນຊູຄອຍ ຊຸບເປີ ເຈ໋ດ ອີກຈຳນວນ 9 ລຳ ໃນນັ້ນ 3 ລຳທຳອິດ ຕາມແຜນແມ່ນຈະນຳເຂົ້າມາໃນທ້າຍປີ 2012.
ສຳລັບແຜນການບິນໃນເບື້ອງຕົ້ນ ບໍລິສັດມີແຜນຈະບິນໄປບັນດາປະເທດໃກ້ຄຽງໃນອາຊຽນ ເຊັ່ນ ໄທ ຫວຽດນາມ ກຳປູເຈຍ ສປ ຈີນ ມາເລເຊຍ ແລະ ມີແຜນຂະຫຍາຍໄປປະເທດອື່ນໆໃນຕໍ່ໜ້າ ຊຶ່ງການຈຳໜ່າຍປີ້ຍົນ ຄາດວ່າຈະເລີ່ມຈຳໜ່າຍປີ້ໃນໄວໆນີ້ ປັດຈຸບັນ ບໍລິສັດລາວ ເຊັນໂທຣ ແອລາຍ ມະຫາຊົນ ມີຄວາມພ້ອມທາງດ້ານລະບົບການບໍລິການຈຳໜ່າຍປີ້ຍົນຜ່ານບໍລິສັດຕົວແທນ ທັງຢູ່ພາຍໃນ ແລະ ຕ່າງປະເທດ ແລະ ຍັງມີແນວທາງທີ່ຈະນຳໃຊ້ລະບົບການຂາຍປີ້ຍົນທີ່ສາມາດເຊື່ອມຕໍ່ກັບຕົວແທນຈຳໜ່າຍປີ້ຍົນທົ່ວໂລກລະບົບ Global Distribution System ໃນຕໍ່ໜ້າ ທັງນີ້ບໍລິສັດລາວ ເຊັນໂທຣ ແອລາຍ ມະຫາຊົນ ມີຄວາມມຸ່ງໝັ້ນເພື່ອປະກອບສ່ວນອັນສຳຄັນເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ ທັງໃຫ້ບໍລິການຮັບໃຊ້ສັງຄົມດ້ວຍຄຸນນະພາບທີ່ດີເລີດ.
http://vientianemai.net/images/500/0601201216275129.jpg">
Source: Vientianemai
Posted by samakomlao
on 11:51 AM. Filed under
development,
developments,
Laos
.
You can follow any responses to this entry through the RSS 2.0.
Feel free to leave a response
:))
;))
;;)
:D
;)
:p
:((
:)
:(
:X
=((
:-o
:-/
:-*
:|
8-}
:)]
~x(
:-t
b-(
:-L
x(
=))
Lao girls with Lao traditional clothing are so mythically beautiful. Especially now they will be flying like angel among the clouds and breezy air. Lao girls are Star"Dao" Angel. hehehehe
ປີໃໜ່ລາວ ທີ່ຈະມາເຖິງ ຄົນຄົງຊິໄປຫຼິ້ນຫຼວງພະບາງຫຼາຍ ເພາະ ຍົນຈະບໍ່ເຕັມອີກແລ້ວ