ເຂດນິຄົມອຸດສາຫະກຳ ການຄ້າ SavanPark ໄລຍະທີ 1 ເປີດແລ້ວ
ເປີດການນຳໃຊ້ເຂດນິຄົມອຸດສາຫະກຳ ການຄ້າ ແລະ ສະຫວັນປ໋າກ ( Savan Park)ໄລຍະທີ 1 ໃນເຂດເສດຖະກິດພິເສດສະຫວັນ-ເຊໂນຢູ່ຈຸດເຊ (C)ໃນວັນທີ 20 ພະຈິກ 2011 ທີ່ແຂວງສະຫວັນນະເຂດ ໂດຍເປັນກຽດເຂົ້າຮ່ວມຂອງ ທ່ານ ສົມສະຫວາດ ເລັ່ງສະຫວັດ ກຳມະການກົມການເມືອງ ສູນກາງພັກ, ຮອງນາຍົກລັດຖະມົນຕີ ແຫ່ງ ສປປ ລາວ ທັງເປັນ ປະທານຄະນະກຳມະການແຫ່ງຊາດ ລາວ ເພື່ອຄຸ້ມຄອງເຂດເສດຖະກິດພິເສດ ແລະ ເຂດເສດຖະກິດ ສະເພາະ, ທ່ານ ດາໂຕ ລີວ ກີອົງ ລັດຖະມົນຕີຊ່ວຍວ່າການ ປະຈຳສຳນັກງານນາຍົກລັດຖະມົນຕີ ປະເທດ ມາເລເຊຍ , ທ່ານ ດາໂຕ ທັນຕາຍ ຮີງ, ເອກອັກ ຄະລັດຖະທູດ ປະເທດມາເລເຊຍ ປະຈຳ ສປປ ລາວ.
ການ ພັດທະນາ ເຂດນິຄົມ ອຸດສາຫະກຳ ການຄ້າ ແລະ ສະຫວັນປ໋າກ ຊຶ່ງນອນໃນເຂດ C ຂອງ ເຂດເສດຖະກິດພິເສດ ສະຫວັນ-ເຊໂນ ເຊິ່ງ ເລີ່ມດຳເນີນ ການພັດທະນາ ນັບຕັ້ງແຕ່ລັດຖະບານລາວ ຕາງໜ້າໂດຍຄະນະບໍລິຫານເຂດເສດຖະກິດພິເສດສະຫວັນ-ເຊໂນ ໄດ້ເຊັນສັນຍາຮ່ວມທຶນພັດທະນາໂຄງການ ໃນເດືອນກຸມພາ ປີ 2008 ກັບ ບໍລິສັດ ປາຊິຟິກ ກາ ດີແວລອບແມນ ຈຳກັດ ຈາກປະເທດມາເລເຊຍ (ຫຼືເອີ້ນວ່າ ຜູ້ພັດທະນາ) ເພື່ອພັດທະນາພື້ນຖານໂຄງ ລ່າງ ໃນເນື້ອທີ່ທັງໝົດ 234 ເຮັກຕາ ດ້ວຍມູນຄ່າ ການລົງທຶນທັງໝົດ ປະມານ 24 ລ້ານ ໂດລາສະຫະລັດ ໃນນັ້ນ ລັດຖະບານຖືຮຸ້ນ 30% ແລະ ສ່ວນທີ່ເຫຼືອ 70% ແມ່ນເປັນການລົງທຶນ ຂອງຜູ້ພັດທະນາ ໂດຍມີອາຍຸການສຳປະທານ 50 ປີ ຈາກນັ້ນຊັບສິນ ທຸກຢ່າງຂອງໂຄງການຈະໂອນມອບໃຫ້ລັດຖະບານເປັນຜູ້ ສືບຕໍ່ ຄຸ້ມຄອງບໍລິຫານຕໍ່ໄປ. ອີງຕາມແຜນແມ່ບົດຂອງການພັດທະນາເຂດນີ້ ໄດ້ແບ່ງແຜນການພັດທະນາອອກເປັນ 4 ໄລຍະ ແຕ່ລະໄລຍະແມ່ນຈະໃຊ້ເວລາ ການພັດທະນາ ປະມານ 4 ປີ ຫຼື ໄວກວ່ານັ້ນ ທັງນີ້ແມ່ນຂຶ້ນກັບຄວາມ ຮຽກຮ້ອງ ຕ້ອງການຕົວຈິງ ຂອງຜູ້ລົງທຶນ . ສໍາລັບການພັດທະນາໄລຍະທີໜຶ່ງ ກວມ ເນື້ອທີ່ 49 ເຮັກຕາ ມາຮອດປະຈຸບັນ ຖືວ່າການພັດທະນາພື້ນຖານໂຄງລ່າງຂອງເຂດ ແມ່ນສຳເລັດຮຽບຮ້ອຍແລ້ວ ລວມມີ ຖະໜົນຄອນກຼີດ, ລະບົບໄຟ ຟ້າ, ນ້ຳປະປາ, ຮ່ອງລະບາຍນ້ຳ, ຮົ້ວ ແລະ ດ່ານກວດກາເຂົ້າ-ອອກ ພ້ອມ ກັນນັ້ນກໍ່ສາມາດລະດົມຂົນ ຂວາຍນັກລົງ ທຶນ ໃຫ້ມາຈົດທະບຽນ ແລະ ເຊັນສັນ ຍາເຊົ່າດິນ ເພື່ອ ລົງທຶນ ປຸກ ສ້າງ ອາຄານ ໂຮງງານ ແລະ ສິ່ງເອື້ອອຳນວຍຄວາມສະດວກ ຢູ່ ໃນເຂດ ຈຳນວນ 21 ບໍລິສັດ.
ທ່ານ ດຣ ສົມພັນ ແກ້ວມີໄຊ, ເຈົ້າແຂວງສະຫວັນນະເຂດໄດ້ກ່າວວ່າ: ຖ້າຫາກວ່າເຂດດັ່ງກ່າວ ໄດ້ຮັບການ ພັດທະນາສຳເລັດແລ້ວກໍຈະກາຍ ເປັນຫົວຈັກຂັບ ເຄື່ອນເສດຖະກິດຂອງແຂວງ ກໍຄືຂອງຊາດໃຫ້ເຕີບໃຫຍ່ຂະຫຍາຍຕົວໄວ ໂດຍຈະນຳຜົນປະໂຫຍດທາງກົງ ແລະ ທາງອ້ອມ ມາໃຫ້ພາກລັດ, ພາກເອກະຊົນ ແລະ ຊຸມຊົນທ້ອງຖິ່ນ ບ່ອນໂຄງການຕັ້ງຢູ່ ເປັນ ຕົ້ນ ການສ້າງຖານລາຍຮັບທາງດ້ານພາສີອາກອນ ແລະ ການສ້າງວຽກເຮັດງານທຳ ໃຫ້ ປະຊາຊົນ ທ້ອງຖິ່ນ ເຮັດໃຫ້ເຂົາເຈົ້າມີລາຍຮັບຫຼາຍຂຶ້ນ ສົ່ງຜົນໃຫ້ເຂົາເຈົ້າມີຊີວິດການເປັນຢູ່ດີຂຶ້ນ ເຊິ່ງທັງໝົດນັ້ນ ຈະເປັນການປະກອບສ່ວນຢ່າງຕັ້ງໜ້າ ຕໍ່ການພັດທະນາເສດ ຖະກິດ-ສັງຄົມຂອງຊາດ ເພື່ອບັນລຸເປົ້າໝາຍແຜນພັດທະນາ ສະຫັດສະຫວັດ ເພື່ອຫຼຸດພົ້ນອອກຈາກຄວາມທຸກຍາກໃນປີ 2015 ແລະ ຫຼຸດພົ້ນອອກຈາກ ບັນຊີປະເທດດ້ອຍພັດທະນາໃນປີ 2020 ພ້ອມ ກັນນັ້ນ ກໍເປັນການສ້າງເງື່ອນໄຂສະດວກ ຕໍ່ການ ເຊື່ອມໂຍງເຂົ້າກັບເສດຖະກິດຂອງອານຸພາກພື້ນ ແລະ ສາກົນ .
Posted by samakomlao
on 9:48 PM. Filed under
development,
developments
.
You can follow any responses to this entry through the RSS 2.0.
Feel free to leave a response
:))
;))
;;)
:D
;)
:p
:((
:)
:(
:X
=((
:-o
:-/
:-*
:|
8-}
:)]
~x(
:-t
b-(
:-L
x(
=))
