ຕົ້ນໄມ້ ມະນີໂຄດລົ້ມ ເປັນລາງສັງຫອນເຕືອນໄພ ໃຫ້ກັບປະເທດລາວ
ຂ່າວ: ຈຽງສັກ
ຕົ້ນໄມ້ມະນີໂຄດ ເປັນຕົ້ນໄມ້ ທີ່ມີອາຍຸຍາວນານ ມາຫລາຍຮຸ່ນຄົນ ແລະ ປະຊາຊົນຊາວ ເມືອງໂຂງ ຕ່າງກໍ່ເຊື່ອຖື ກັນວ່າ ເປັນຕົ້ນໄມ້ ທີ່ວິເສດ, ສັກສິດ, ເກີດຢູ່ດອນນ້ອຍກາງນ້ຳງອ ຍຢູ່ ເບື້ອງເທິງ ນ້ຳຕົກຕາດ ຄອນພະເພັງ, ປະຈຸບັນ ຕົ້ນມະນີໂຄດ ລົ້ມລົງຢ່າງຫນ້າເສຍດາຍ ຈິ່ງເປັນທີ່ສົນໃຈ ຂອງສັງຄົມ.
ເຊົ້າວານນີ້ ທ່ານ ສົມຈີນ ອິນທະຈິດ ຫົວຫນ້າຫ້ອງ ການທ່ອງທ່ຽວ ເມືອງໂຂງໃຫ້ຮູ້ວ່າ: ຄືນວັນທີ 19 ມີນາຜ່ານມາເວລາ ປະມານ 22:30 ນາທີ, ເວລານັ້ນ ສະພາບດິນຟ້າອາກາດ ມີຝົນຕົກເລັກນ້ອຍ, ລົມພັດຂ້ອນຂ້າງແຮງ, ຂະນະດຽວກັນ ປະຊາຊົນທີ່ອາໄສຢູ່ໃກ້ຄຽງ ໄດ້ຍິນສຽງດັງ ຄ້າຍຄື ມີບາງຢ່າງ ກະທົບລົງໃສ່ ນ້ຳຢ່າງແຮງ, ຍ້ອນທ້ອງຟ້າມືດ ບໍ່ມີແສງບວກ ກັບກະແສລົມພັດ ຫອບເອົາສາຍ ຝົນທີ່ກຳລົງຕົກຢູ່ ນັ້ນຈິ່ງບໍ່ມີໃຜສົນໃຈ ໃນສິ່ງທີ່ເກີດຂຶ້ນ ແລະ ບໍ່ຄິດວ່າແມ່ນ ຕົ້ນໄມ້ມະນີໂຄດ ລົ້ມລົງ.
ຮຸ່ງເຊົ້າຂອງວັນທີ 20 ມີນາ ປະຊາຊົນ ຈິ່ງແຕກຕື່ນ ຕົກໃຈຍ້ອນເຫັນ ສະພາບຂອງຕົ້ນໄມ້ ມະນີໂຄດ ອັນເປັນມິ່ງຂວັນຂອງ ຊາວເມືອງໂຂງ ທີ່ເລົ່າຂານກັນມາ ໃນຫລາຍຮຸ່ນຄົນວ່າ ເປັນຕົ້ນ ໄມ້ທີ່ສັກສິດ ໄດ້ລົ້ມລົງຢ່າງບໍ່ຄາດຝັນ, ສະພາບຂອງຕົ້ນໄມ້ ມະນີໂຄດ ໃນເວລານັ້ນສ່ວນ ຮາກເບື້ອງຫນຶ່ງ ຍັງເກາະຕິດກັບຫີນ, ສ່ວນເບື້ອງປາຍ ຈຸ່ມລົງນ້ຳ ຍ້ອນລຳຕົ້ນລົ້ມ ກະທົບໃສ່ຫີນແລະ ສ່ວນປາຍກະທົບລົງ ທ່າມກາງກະແສນ້ຳ ທີ່ໄຫລແຮງເຮັດໃຫ້ ງ່າສ່ວນຫນຶ່ງ ຫັກກະຈາຍອອກ ແລ້ວໄຫລຕາມລຳນ້ຳ ໄປເກາະຕິດກັບມອງ ຂອງປະຊາຊົນ ຢູ່ທາງຕອນໃຕ້ ຂອງນ້ຳຕົກຕາດ ຄອນພະເພັງ, ບາງຄົນບໍ່ຮູ້ວ່າ ເປັນງ່າໄມ້ມະນີໂຄດ ຈິ່ງປ່ອຍໄຫລຖິ້ມໄ ປຕາມນ້ຳ, ສ່ວນຜູ້ຮູ້ ຂໍ້ມູນກໍ່ເກັບເອົາມາໄວ້ ເປັນສິ່ງຂອງບູຊາ ແລະ ແຈກຢາຍກັນ ເກັບໄວ້ຍ້ອນເປັນສິ່ງຂອງ ທີ່ຫາຍາກ ແລະ ເຊື່ອກັນວ່າເປັນໄມ້ ທີ່ສັກສິດ, ສ່ວນຫງ່າໃຫຍ່ຫ້ອງການ ທ່ອງທ່ຽວເມືອງໂຂງ ເກັບໄວ້ທີ່ຫໍວາງສະແດງຂອງເມືອງ.
ໃນວັນດຽວກັນ ທ້າວ ລິດ ທະນູທອງ (ເບ) ຊ່າງພາບ ປະຈຳນ້ຳຕົກຕາດ ຄອນພະເພັງເລົ່າສູ່ຟັງວ່າ: ບາງຄົນຢາກໄດ້ເກັບໄວ້ ຈິ່ງຂໍບູຊາຕໍ່ໆກັນ ດ້ວຍການຈ່າຍເງິນ ຈຳນວນຫນຶ່ງ, ເມື່ອ ເປັນແນວນັ້ນ ອຳນາດການປົກຄອງ ບ້ານຈິ່ງຕ້ອງໄດ້ເຂົ້າມາ ຄວບຄຸມໂດຍ ການວາງກົດລະບຽບ ຫ້າມບູຊາ ຫລື ຊື້ຂາຍ, ຖ້າຫາກໃຜໄດ້ມາ ກໍ່ຕ້ອງເກັບໄວ້, ແຕ່ຕ້ອງແຈ້ງ ຕໍ່ອຳນາດການ ປົກຄອງບ້ານໃຫ້ຮັບຮູ້.
ເຖິງຢ່າງໃດກໍ່ ຕາມທຳມະຊາດ ກໍ່ຍ່ອມເປັນໄປຕາມກົດເກນ, ເພາະລະດູຝົນ ປີຜ່ານມາ ປະລິມານນ້ຳຂອງ ມີຫລາຍກວ່າທຸກປີ ເຮັດໃຫ້ນ້ຳຖ້ວມ ເອົາສ່ວນຮາກ ຂອງຕົ້ນໄມ້ ມະນີໂຄດ ເພາະຕົ້ນໄມ້ຊະນິດນີ້ ບໍ່ມີຮາກແກ້ວ, ມີພຽງຮາກສ່ວນຫນຶ່ງ ຢັ່ງໄປຕາມພະລານຫີນ ດັ່ງນັ້ນ, ໃນປີດຽວກັນ ເຮັດໃຫ້ຕົ້ນໄມ້ເນີ້ງລົງ ໃນລະດັບປະມານ 60 ອົງສາ, ຍ້ອນມີຝົນ ແລະ ລົມແຮງ ໃນຄ່ຳຄືນຂອງວັນທີ 19 ມີນາ ຈິ່ງເຮັດ ໃຫ້ຕົ້ນໄມ້ ມະນີໂຄດ ລົ້ມລົງຢ່າງຫນ້າເສຍດາຍ,ທ່ານ ສົມຈີນ ກ່າວ.
ອີກປະການຫນຶ່ງ ຍ້ອນຕົ້ນໄມ້ດັ່ງກ່າວ ເປັນຕົ້ນໄມ້ທີ່ມີອາຍຸຍາວນານ ສືບທອດມາຫລາຍຮຸ່ນຄົນ, ໂດຍສະເພາະແມ່ນ ຊາວບ້ານທ່າຄໍ້ ຕັ້ງແຕ່ເກີດມາ ກໍ່ໄດ້ຍິນຜູ້ເຖົ້າເລົ່າສູ່ຟັງ, ຕາມປະຫວັດການເລົ່າຂານ ກັນມາວ່າ ເປັນຕົ້ນໄມ້ວິເສດ ແລະ ສັກສິດ ມີອາຍຸຍາວນານຫລາຍເຊັ່ນຄົນ, ດັ່ງນັ້ນ ຊາວບ້ານດັ່ງກ່າວ ຈິ່ງພາກັນເຮັດພິທີ ທາງສາສະຫນາ (ເຮັດບຸນຕັກບາດ) ຕາມຄວາມເຊື່ອຖື ໃນປະຫວັດຄວາມເປັນມາ ຂອງຕົ້ນໄມ້ມະນີໂຄດຕົ້ນນີ້ (ເບ) ກ່າວ.
Posted by samakomlao
on 9:51 AM. Filed under
development,
developments,
Laos,
Weird
.
You can follow any responses to this entry through the RSS 2.0.
Feel free to leave a response
:))
;))
;;)
:D
;)
:p
:((
:)
:(
:X
=((
:-o
:-/
:-*
:|
8-}
:)]
~x(
:-t
b-(
:-L
x(
=))
wow.. stunning.. love this topic..
ຂໍໃຫ້ສິ່ງທີ່ຊົ່ວຮ້າຍ ຈົ່ງກາຍເປັນດີ ດ້ວຍເຖີດ
ຕົ້ນໄມ້ນີ້ ເປັນຕົ້ນສັກສິດ ຄູ່ບ້ານຄູ່ເມືອງ ສິບທອດກັນມາຫລາຍໆໆໆພັນປີ, ຖ້າເປັນດັ່ງນັ້ນ ມັນກໍເປັນສິ່ງທີ່ຫ້ນາຄິດ, ສຸດທ້າຍ ຂໍໃຫ້ຝ່າຍຜູ້ບໍຣິຫານປົກຄອງປະເທດ ຄວນໄຕ່ຣຕ້ອງເບິ່ງນ້ອຍຫນຶ່ງ ວ່າມັນເປັນລາງສັງຫອນ ທີ່ເຕຶ່ອນໄພ ຫລຶບໍ່? ຖ້າບໍ່ເຊຶ່ອແລ້ວ ຢ່າງນ້ອຍກໍຄວນຫ້າມລົບລູ່. ປະເທດຊາດເປັນຂອງທຸກໆຄົນ...!
ຮັກແພງ,
ການເກີດ ແລະ ດັບມັນເປັນກົດເກນຂອງ ທຸກສັບພະສິ່ງທີ່ ຢູ່ໃນໂລກນີ້ , ທຸກສິ່ງທີ່ມີຊີວິດ ລ້ວນແຕ່ມີ ເກີດ, ແລະ ມີດັບ
Well! it is excellent topic! I am greatly appreciated for sharing this information. I remember when I was a little boy my grandma was talking about this sacred tree. She said" Ton Mai Manikhot is the most sacred tree ever grown on this planet. She also mentioned about; Kok Zsee Tai- Pai zsee Pen." When this tree collapsed, there was warning about the disastrous is heading its way. Be prepared!!
ເປັນລາສັງຫອນ ບອກວ່າລະບອບຜະເດັດການ ຈະລົ້ມລະລາຍ ໄປຈາກລາວ
Stupid people believe in anything. What a non-sense worshipping trees.