9:48 PM | Posted by samakomlao

ໄພຮ້າຍຄວາມເຄັມສະສົມຈາກແຈ່ວນໍ້າປາ

ຮູ້ ຫລື ບໍວ່າ ແຈ່ວນໍ້າປາ ນອກຈາກບໍ່ໄດ້ຈັດໃຫ້ຢູ່ໃນຊຸດອາຫານເພື່ອສຸຂະພາບສໍາລັບຜູ້ສູງອາຍຸແລ້ວ ຍັງອາດເປັນອັນຕະລາຍຕໍ່ຜູ້ສູງອາຍຸໄດ້ໂດຍບໍ່ຮູ້ຕົວ.

ອົງການອະນາໄມໂລກ ໃຫ້ກິນອາຫານທີ່ມີໂຊດຽມໄດ້ບໍ່ໃຫ້ເກີນວັນລະ 1.400 ມິລິກຼາມ ຊຶ່ງອາຫານລາວສ່ວນໃຫຍ່ຈະເປັນອາຫານລົດເພັດ ແລະ ມີໂຊດຽມເກີນກວ່າມາດຕະຖານທີ່ກໍານົດ ແລະ ໂຊດຽມທີ່ໃກ້ຕົວທີ່ສຸດ ແລະ ຄົນມັກເບິ່ງຂ້າມຄືແຈ່ວນໍ້າປາ ທີ່ອາດຈະເປັນສ່ວນຫນຶ່ງຂອງວັດທະນະທໍາການຮັບປະທານອາຫານຂອງຄົນລາວແລ້ວ.

ຢ່າງໃດກໍຕາມ ການກິນອາຫານລົດເຄັມຫລາຍ ແລະ ກິນເລື້ອຍໆ ຈະມີຄວາມສ່ຽງຕໍ່ການເປັນພະຍາດຄວາມດັນເລືອດສູງ, ຫລອດເລືອດສະຫມອງແຕກ, ພະຍາດຫົວໃຈ ລວມທັງພະຍາດກະດູກຜ່ອຍ ຊຶ່ງຜູ້ທີ່ເປັນໂລກດັ່ງກ່າວຢູ່ແລ້ວ ຈະຕ້ອງລະມັດລະວັງອາຫານທີ່ມີໂຊດຽມສູງ ເພາະຈະເຮັດໃຫ້ເກີດພາວະແຊກຊ້ອນໃນໂລກທີ່ເປັນຢູ່ ເນື່ອງຈາກໂລກດັ່ງກ່າວນີ້ຄືກັບໄພງຽບທີ່ບໍ່ບົ່ງບອກອາການໃຫ້ຜູ້ປ່ວຍຮັບຮູ້.

ຄົນທີ່ເປັນກໍ່ຈະບໍ່ຮູ້ສຶກວ່າເປັນຫຍັງ ແຕ່ເມື່ອເປັນຄວາມດັນສູງຢູ່ເລື້ອຍໆ ເມື່ອອາຍຸຫລາຍຂຶ້ນ ຄວາມສົມດຸນຂອງເສັ້ນເລືອດຫນ້ອຍລົງ, ເສັ້ນເລືອດຈະແຂງ ແລະ ບອບບາງ ເມື່ອມີຄວາມດັນສູງເລື້ອຍໆ ບໍ່ສາມາດຄວມຄຸມໄດ້ແລ້ວເກີດເສັ້ນເລືອດແຕກຕາມຈຸດສໍາຄັນຕ່າງໆ ກໍຈະເຮັດໃຫ້ເປັນອຳມະພາດ, ອຳມະພຶກ ກາຍເປັນຄົນພິການ ແລະ ຮ້າຍແຮງທີ່ສຸດຄືເປັນອັນຕະລາຍເຖິງແກ່ຊີວິດໄດ້.

ສະນັ້ນແລ້ວ ຄົນໄວຫນຸ່ມສາວທີ່ຍັງແຂງແຮງ ກໍຕ້ອງລະມັດລະວັງ ແລະ ຄວບຄຸມການຮັບປະທານອາຫານລົດເຄັມ ເພື່ອເປັນການປ້ອງກັນ ແລະ ບໍ່ໃຫ້ເກີດການສະສົມໂຊດຽມໄວ້ໃນຮ່າງກາຍຫລາຍເກີນໄປ ຄວນເລືອກໃຊ້ເກືອ ແລະ ນໍ້າປາທີ່ມີໂຊດຽມຕໍ່າ ຈະບໍ່ເປັນອັນຕະລາຍຕໍ່ສຸຂະພາບ.

Posted by samakomlao on 9:48 PM. Filed under health, Healths . You can follow any responses to this entry through the RSS 2.0. Feel free to leave a response